منتديات دموع فلسطين


السلام عليكم ورحمة الله وبركاته



عزيزي الزائر / عزيزتي الزائرة

يرجى التكرم بتسجيل الدخول إذا كنت عضواًًًًً معنا أو التسجيل إن لم تكن عضواً

وترغب في الإنضمام إلى أسرة المنتدى سنتشرف بتسجيلك معنا

مع تحيات إدارة المنتدى



منتديات دموع فلسطين


 
الرئيسيةبحـثالتسجيلدخول

 

0598330714
اعلانك يحقق اهدافك

شاطر | 
 

 نا هون بالأردن شوية كلمآت معروفة بينآ بس معظمنآ بنحكيهآ و إحنا مش عآرفين شو هيآ خلينا نشوف هل كلمآت ونتعرف عليهآ

اذهب الى الأسفل 
كاتب الموضوعرسالة
ابو عموش
نائب المدير
نائب المدير
avatar

عدد المساهمات : 160
تاريخ التسجيل : 19/08/2010

مُساهمةموضوع: نا هون بالأردن شوية كلمآت معروفة بينآ بس معظمنآ بنحكيهآ و إحنا مش عآرفين شو هيآ خلينا نشوف هل كلمآت ونتعرف عليهآ    9/6/2010, 10:44 pm

عنا هون بالأردن شوية كلمآت معروفة بينآ
بس معظمنآ بنحكيهآ و إحنا مش عآرفين شو هيآ
خلينا نشوف هل كلمآت ونتعرف عليهآ ~


الطنط : هذآ شخص علىآ الموديل ...ودآيماً العلكة بثمه ..ومايع كتير كتير كتير وبذبل بالشمس مثل حبة البوظه

**********

المهوي : عباره عن شخص ماله دخل بالدنيا الناس بتكون بالشرق وهو بالغرب يعني الله يعينه على حاله


**********
المجعم " بلغة البدو " واحد دايما معصب وما بتحمم الا بالسنه مره وريحته دايما طالعه وبفكر حاله دنجوان عصره


**********

المشرت : بكون داير بالشارع وعم يحكي مع حاله بعني ولا فيوز شغال عنده " خاص مع الشكر "

**********



الطافي : هاد واحد بعرف وما بعرف ودايما فاتح ثمه
يعني سلآمتك من الآه
**********


الطبل : وآحد غبي جداً جداً لأبعد الحدود وما بعرف الخمسه من الطمسه واذا سالته شي بعمل ااو و وو و ..اووو وبعقد يتذكر
**********

المسطل : دايما بتثاوب وقد ما تحكي معه و تجادله بتلاقيه بحك براسه وبثاوب ولا حياة لمن تنادي كأنك عم تحكي مع حيط
**********


الطلهيني : إبن خالته للغبي جداً جداً جداً بس في مرحله متقدمه عنه وغباء مستفحل عنده
**********

الكابسه معه : هاد وين ما بيجي بدب حاله وشو بخطر بباله بعمله حتى لو نام بالسجن المهم يعمل الي براسه يعني مو سأل عن شي
**********

لزقة كوكس : 24 ساعه معك وين ماتروح معك متل لزقه الضهر حتى لو دخلت الحمام " الله يكرمكم " بلحقك
**********

الحشري : يا سيدي هاد بس بحكي ليش ؟ وكيف ؟ ومتى ؟ ومين ؟ واي ساعه ؟ يعني بدخل بكل شي حتى لبسك ممكن يتدخل فيه
**********

عواطله : لا بهش ولا بنش ...يعني قاعد في البيت شغل اكل وشرب ونوم ومصروف زياده " اكل ومرعى وقلة صنعى "
**********

الديوانجي : هاد عامل حاله ابو زيد خاله " عنتر زمانه يعني " ويا ارض اشتدي ما عليكي قدي .. وشغل مشاكل وطوش ومعظم وقته بالسجن
**********

المهلوس : درجه متقدمه جدا من الجنون والغيباء والهستيريا وما بجمع حرفين ع بعض
**********
ورد
الرجوع الى أعلى الصفحة اذهب الى الأسفل
وســـيم
إدارة
إدارة
avatar

عدد المساهمات : 442
تاريخ التسجيل : 13/08/2010

مُساهمةموضوع: رد: نا هون بالأردن شوية كلمآت معروفة بينآ بس معظمنآ بنحكيهآ و إحنا مش عآرفين شو هيآ خلينا نشوف هل كلمآت ونتعرف عليهآ    9/7/2010, 2:39 am

هههههههههههههههههههههههههههههههههه

عليي ما عليي انك من الاخر يا علي
وربي ضحكت من كل قلبي
يسلموا ايديك
الرجوع الى أعلى الصفحة اذهب الى الأسفل
 
نا هون بالأردن شوية كلمآت معروفة بينآ بس معظمنآ بنحكيهآ و إحنا مش عآرفين شو هيآ خلينا نشوف هل كلمآت ونتعرف عليهآ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دموع فلسطين :: دموع فلسطين (الادب والشعر) :: الحـكايا والخواطر-
انتقل الى: